Bruno Lauzi – Ma se ghe penso (testo)

“U l’ëa partiu sensa ûn-a palanca
l’ëa zà trent’anni, forse anche ciû
u l’aia luttou pe mette i dinæ a-a banca
e poèisene ancun ûn giurnu turna in zû
e fäse a palassinn-a e o giardinettu
cu-o rampicante, cu-a cantinn-a e o vin
a branda attaccâ a-i ærboui, a ûsu lettu
pe daghe ‘na schenâ séia e mattin
ma u figgiu ghe dixeiva: “Nu ghe pensâ
a Zena cöse ti ghe vêu turnâ?!”

Ma se ghe pensu allua mi veddu u mâ
veddu i mæ munti e a ciassa da Nunsiâ
riveddu u Righi e me s’astrenze o chêu
veddu a lanterna, a cava, lazzû o mêu…
riveddu a séia Zena illûminâ
veddu là a Föxe e sentu franze o mâ
e allua mi pensu ancun de riturnâ
a pösâ e osse duve’òu mæ madunnâ.

U l’ëa passou du tempu, forse troppu
u figgiu u ghe disceiva: “Stemmu ben
duve ti vêu andâ, papá?.. pensiemmu doppu
u viäggio, u má, t’é vëgio, nu cunven!”
“Oh nu, oh nu! me sentu ancun in gamba
son stûffu e nu ne possu pròpriu ciû
son stancu de sentî señor caramba
mi vêuggiu ritornamene ancun in zû…
ti t’ê nasciûo e t’æ parlou spagnollu
mi son nasciûo zeneize e… nu ghe mollu!”

Ma se ghe penso allua mi veddo u mâ
veddu i mæ monti e a ciassa da Nunsiâ
riveddu u Righi e me s’astrenze u chêu
veddu a lanterna, a cava e lazzû o mêu…
riveddo a séia Zena illûminâ
veddo là a Föxe e sento franze u mâ
allua mi pensu ancun de riturnâ
a pösâ e osse dove’òu mæ madunnâ.

E sensa tante cöse u l’è partïu
e a Zena u gh’à furmóu turna u so nïu”.

Bruno Lauzi, Ma se ghe penso – 3:11
(Attilio Margutti, Mario Capello)
Album: Kabaret n. 2 (1965)

Per segnalare errori su testi o traduzioni, o semplicemente per suggerimenti, richieste d’aiuto e qualunque altra curiosità, potete scriverci all’indirizzo quality@infinititesti.com.

InfinitiTesti è un progetto amatoriale nato dalla passione per la musica e le parole. Qui troverete traduzioni e commenti di testi da ogni angolo del mondo, raccolti nelle sezioni Traduzioni e Discografie. Se volete orientarvi fra i nostri percorsi, l’Indice Generale offre una suddivisione tra canzoni italiane e straniere. Non mancano letture trasversali nella sezione Rassegne. Per proposte, idee o collaborazioni, siamo raggiungibili dalla pagina Contatti.

Brano proposto da: Francesco Komd
Direttore: Arturo Bandini (direttore@infinititesti.com)
Responsabile Quality: Ernesto Di Nisio (quality@infinititesti.com)
Segretaria di Redazione: Arianna Russo (segreteria@infinititesti.com)